阿May2006年由廣州來港與家人團聚。來港前，有次她看到香港電視台的時事節目，介紹深水埗內有一群基層婦女，合力開設了一間非牟利的『社區二手店』，既為她們尋求就業出路，也為區內低下層提供了低廉的二手家庭用品。當時阿May很佩服這群婦女。「佢地真係好犀利，好有力量。」她因為知道家人都住在深水埗區，所以她希望知道多些有關這個社區的事情。
「那時剛搬來呢區，就周圍去問人『社區二手店』係邊度，後來都被我搵到，幾開心呀。因為呢度買野真係好平，可以慳翻唔少。我第一次來店內就買了一本講科學知識的書，可以同阿仔一齊睇。平時我幾鍾意來呢度行下，就算無買野，都可以同街坊傾下計。」閒時阿珊喜歡帶兒子到店逛逛，有時買些圖書或玩具。阿May表示，來港兩年，她甚少帶兒子逛玩具店。「那些玩具太貴啦，一件差不多係我成日人工。係二手店，買一蚊兩蚊的玩具都有，他最喜歡買『比卡超』。」
阿May原是專職家庭主婦，後來因某些原因與丈夫分開。於是她在社區內做兼職工，也申領低收入綜援補貼家計。面對微薄的收入，阿May必須精打細算。『社區二手店』成為她節省生活開支的重要地方。
今年8月，阿May和兒子獲分配到元州邨。從80平方呎的板房搬上300呎的公屋單位，阿May很想為家中添置新的傢俱。例如為兒子買書櫃和書枱，令他安心讀書、做功課。
「我周圍去搵附近的傢俬舖，計過度過，書櫃連書枱成套要成千幾銀。負擔真係好大。於是我每日放工後走上二手店睇，某日被我看中呢個松木五桶櫃，只係350元，嘩！真係好抵！好實用！」阿May邊說邊拉開抽屜，兒子的物品、書本擺放得井井有條。
後來她帶到我到家中的廚房，指著一個約三呎高的松木什物櫃。她又喜孜孜地告訴我這是她從『社區二手店』買回來的傢俱，才100元；放在狹小的廚房非常實用。
「『社區二手店』真係可以幫到我們呢班基層，幫我節省開支，兩件傢俱才400幾元；如果買全新的，兩件松木傢俬起碼要成千幾銀，係呢度買起碼慳返三分之二。雖然這些傢俬係二手，但質素都不錯，夠實用，又環保。」
各位朋友，如果你有一些傢俬需要更換又不想浪費的話，可以考慮參與這個「惜物環保 資源再分配」行動，透過向『社區二手店』捐贈傢俬或其他物品，參與協助改善這些低收入家庭。